Maikemisetso a Letlole la Puseletso
Maikemisetso a Letlole la Puseletso ke ho buseletsa basebetsi bakeng sa boqhwala bo bakilweng ke dikotsi tsa mosebetsing tse hlahileng kapa mafu ao ba a fumaneng nakong ya eo e leng basebetsi kapa baotlwa ba bona bakeng sa lefu le bakilweng ke kotsi/ho kula hoo, le ho lefa tjhelete e utlwahalang ya ditshenyehelo tsa bongaka tse entsweng.
Moo puseletso e ka etswang
Dikotsi tse hlahisitsweng kapa tse hlahileng nakong ya ho sebetsa ha mosebetsi mme tsa baka ho tswa kotsi ha hae, ho kula kapa ho shwa.
Mafu a mosebetsing a fumanweng sebakeng sa mosebetsi ka baka la ho pepesetswa ha basebetsi dintho kapa maemo a fumanwang tikolohong ya mosebetsi
Maemo a lefu moo mosebeletsi a shwang ka baka la kotsi e etsahalang a le mosebetsing
Mosebetsi ke mang?
Mosebetsi o hlaloswa Molaong e le ?motho e mong le e mong ya kenang mosebetsing ka tumellano ya tshebetso le ramosebetsi
Tumellano ya tshebetso e ka ngolwa fatshe kapa ya ba ya molomo, e boletsweng kapa e lekantsweng. Mosebetsi o lokela ho fana ka tshebetso jwalo ka ha ho dumellanwe mme o lokela ho fumana moputso?
Basebetsi ba nakwana, ba hiretsweng mabaka a kgwebo le bona ba a akareletswa
Basebetsi ba malapeng, matlong a praevete ha ba eso kenyelletswe, empa Letlole le tseleng ya ho ba kenyelletsa.
Ramosebetsi ke mang?
Tlhaloso: ?Motho ofe kapa ofe, ho kenyelletswa le Mmuso, ya hirileng mosebetsi.?
Tsela ya ho tlaleha
Dikotsi tsohle kapa dikotsi tse bolelwang tse akgang ditshenyehelo tsa bongaka le/kapa bosiyo mosebetsing nako e fetang matsatsi a mararo di lokela ho tlalehwa pele ho feta matsatsi a supileng ka mokgwa o balletsweng. Ramosebetsi ofe kapa ofe ya sa tlaleheng kotsi kapa kotsi e bolelwang o tla ba molato wa ho tlola molao. Khomishenara a ka ba a fa ramosebetsi kotlo e ka lekanang le tjhelete e felletseng e tsekwang.
Dikotsi
Ramosebetsi o lokela ho tlaleha kotsi ka ho tlatsa foromo ya Ramosebetsi ya ho tlaleha kotsi (W.Cl. 2) pele ho feta matsatsi a supileng kotsi e etsahetse
Ha ho amohetswe Tlaleho ya Ramosebetsi ya Kotsi (W.Cl. 2) le Tlaleho ya pele ya bongaka (W.Cl. 4) tseko e a shejwa mme ebang boikarabelo bo amohelwa poskarete (W.Cl.56) e tla romelwa ho ramosebetsi. Nomoro ya tseko eo ho fanweng ka yona e tla hlaha kareteng eo.
Ebang boemong boo boikarabelo bo sa amohelwe, karete ya kamohelo (W.Cl.55) e tla romellwa ramosebetsi, e fana ka nomoro ya tseko.
Ramosebetsi o tlameha ho lefa tjhelete ya puseletso nakong ya dikgwedi tse tharo tsa pele ha mosebetsi a ntse a se mosebetsing mme a ntse a okwa
Puseletso e lefilweng ke ramosebetsi e tla busetswa ho yena ke Khomishenara ka ???
Tlaleho ya Qetelo ya Bongaka (W.Cl.5) e a hlokahala ho phethela tseko mme ramosebetsi o lokela ho e fumana ngakeng/sepetlele hang ha mosebetsi a se a loketse ho boela mosebetsing
Moo ho nang le bosiyo ba nako e telele mosebetsing, Tlaleho ya Bongaka ya Tswelopele (W.Cl.5) e lokela ho fumanwa ngakeng mme e romelwe
Ha mosebetsi a boela mosebetsing Tlaleho ya ho Qala mosebetsi hape (W.Cl6) e lokela ho tlatswa mme e romelwe ho Khomishenara hammoho le Tlaleho ya Qetelo ya Bongaka (W.Cl.5)
Khopi e tiisitsweng ya ID ya mosebetsi e tlameha ho ba teng
Ditokomane tse tlatsitsweng di lokela ho romelwa setsing se haufi sa mosebetsi kapa kantorong ya provense ya Lefapha la Mesebetsi.
Mafu a mosebetsing
Lefu la mosebetsing ke lefu le fumanweng sebakeng sa mosebetsi ka baka la ho pepesetswa ha basebetsi dintho kapa maemo a fumanwang tikolohong ya mosebetsi
Mafu a mosebetsing a ngotswe shejulung ya 3 ya Molao wa Puseletso ya Dikotsi le Mafu a Mosebetsing (COIDA)
Mosebetsi o lokela ho tlaleha lefu la mosebetsing ho ramosebetsi ka ho tlatsa foromo ya W CL 14
Ramosebetsi o lokela ho tlaleha lefu la mosebetsing ho Khomishenara wa Puseletso ka ho tlatsa foromo ya Tlaleho ya Ramosebetsi W CL 1
Ramosebetsi o lokela ho hokella khopi ya ID ya mosebetsi
Tlaleho ya pele ya Bongaka ?W CL 22 e lokela ho hokelwa foromong ya Tlaleho ya Ramosebetsi ho amohela boikarabelo ba tseko
Ramosebetsi o lokela ho romela Tlaleho ya Qetelo ?W CL. 26 ho phethela tseko.
Ho shwa
Ha kotsi e bakile ho shwa ha mosebetsi, ditokomane tse latelang di lokela ho romelwa ka pelepele:
Setifikeiti sa lefu kapa tokomane ya bopaki ba sesosa sa lefu
Lengolo la lenyalo kapa bopaki ba hore mosebetsi le mootlwa ba ne ba dula mmoho jwalo ka monna le mosadi
ID ya mohlolohadi
Mangolo a tlhaho/mangolo a kolobetso/setifikeiti sa kano mabapi le dilemo tsa bana bohle
Foromo ya Tseko ya Puseletso (W.Cl.3)
Polelo ya mootlwa ya setseng wa mosebetsi ya shweleng (W.Cl.32)
Akhaonte e ikgethang ya lepato, mme ebang e lefilwe, le diresiti.
Ditshwanelo
Ditshwanelo tsa basebetsi di lokiswa botjha selemo le selemo.
Boqhwala bo phethahetseng ba nakwana
Puseletso e leshwa mosebetsi ya tswileng kotsi nakong ya boqhwala bo phethahetseng ba nakwana ka tsela ya ditefo tsa dikgao tsa nako ka sekgahla sa 75% ya moputso wa hae wa kgwedi ho fihla bongateng bo fetolwang selemo le selemo. E ka boela ya sebetswa ka beke e thehilwe hodima 41/3 ya bongata bo hodimo ka ho fetisisa
Ha ho puseletso e leshwang bakeng sa matsatsi a mararo a pele a boqhwala ebang boqhwala boo bo nka matsatsi a mararo kapa ka tlase ho moo
Moo boqhwala bo nkang matsatsi a mane kapa ho feta, puseletso e lefellwa nako yohle
Ho sebetsa nako ya ho ba siyo mosebetsing letsatsi la pele la ho ba siyo ke letsatsi leo mosebetsi a emisang mosebetsi ka baka la kotsi kapa lefu la mosebetsing, a sa phethela shift ya hae e felletseng. Disontaha le Matsatsi a phomolo a setjhaba qalong kapa qetellong ya nako ya ho ba siyo a a kenyelletswa
Ho ba siyo mosebetsing matsatsi a supileng a khalenndara (k.h.r. ho kenyelletswa le Disontaha le Matsatsi a phomolo a setjhaba) ho nkwa e le beke e le nngwe. Ka hoo ho ba siyo matsatsi a mahlano ho tla nkuwa e le 5/7 ya beke.
Boqhwala ba bophelo bohle
Puseletso ya boqhwala ba bophelo bohle moo kgato ya boqhwala e leng 30% kapa ka tlase e nka sebopeho sa kgoboka e thehilweg hodima moputso wa mosebetsi wa kgwedi makgetlo a mahlano ho fihla bongateng ho behwang selemo le selemo. Moo boqhwala bo leng ka tlase ho 30% kgoboka e sebetswa ka kabo. Molao o bile o fana ka bonyane ba tjhelete ya puseletso ha moputso wa mosebetsi o le ka tlase ho moedi o eketswang selemo le selemo.
Ha eba kgato ya boqhwala ba bophelo bohle e le 31% kapa ho feta, puseletso e nka sebopeho sa phenshene ya kgwedi le kgwedi.
Phenshene ya boqhwala bo phethahetseng ba nako tsohle (100%) e sebetswa ka tsela e tshwanang le ya ditefo tsa dikarolo tsa nako mabapi le boqhwala bo phethahetseng ba nakwana. Ha boqhwala ba mosebetsi bo le ka tlase ho 100%, phenshene e balwa ka ditekanyo tsa boholo ba bona.
Puseletso ha mosebetsi a shwa
Mohlolohadi o lokela ho leshwa kgoboka ya tjhelete e lekanang le pheshene ya kgwedi le kgwedi habedi eo mosebetsi a ka beng a tla e fumana ha a ne a qhwadile !00%.
phenshene e lekanang le 40% ya phenshene eo mosebetsi a neng a tla e fumana ha a ne a qhwadile 100%.
Ngwana ka mong ya ka tlasa dilemo tse 18 o lokelwa ke phenshene ya kgwedi le kgwedi e lekanang le 20% ya phenshene neng e tla kgona ho leshwa mosebetsi bakeng sa boqhwala ba 100%, ha eba phenshene yohle e lokelang ho leshwa mohlolohadi le bana e sa fete tjhelete e neng e tla leshwa mosebetsi ha a ne a qhwadile 100%. Ha a nyalwa/nyala hape mohlolohadi phenshene ya kgwedi e tla tswella ho fihle mohla a shwang. Phenshene ya ngwana e tswela pele ho fihlela a ba dilemo di 18 kapa ho fihlela a shwa kapa ha a kena lenyalong pele a fihla dilemong tse 18
Ha eba ngwana a qhwadile mmeleng kapa kelellong phenshene ya hae e tswela pele ka mora hore a fihle dilemong tse 18, kapa ka nako eo ho ka lebellwang hore mosebetsi o ne a tla mo hlokomela. Bana bao, ka nako ya lefu la mosebetsi, ba neng ba le ka hodimo ho dilemo tse 18 mme ba qhwadile mmeleng kapa kellong, le bona ba tla fumana phenshene bakeng sa nako e lekanang le e ka lekanngwang hore mofu o ne a tla ba hlokomela
Phenshene ya ngwana e ka tswela pele ho fihlela e eba dilemo di 18 ha eba ho na le bopaki bo ngotsweng ba hore ngwana o tshwarane le dithuto tsa sekondari kapa tsa ka mora materiki. Phenshene e tla tswela pele nako eo ho hopolwang hore mofu o ne a tla nyehela tlhokomelong ya hae
Ditshenyehelo tsa lepato ho fihla bongateng bo fetolwang selemo le selemo di leshwwa ke Letlole la Puseletso.
Ditshehelo tsohle tse utlwahalang tsa bongaka tse entsweng ke mosebetsi kapa lebitsong la hae di ka batlwa Letloleng la Puseletso.
Diakhaonte tsohle tsa bongaka mabapi le Boramosebetsi ba behetsweng ka thoko (Exempted Employers) di lokela ho romelwa ho ramosebetsi ya tla ikarabela tefong ya tsona.
Ho tsamaiswa ha mosebetsi ya tswileng kotsi
Ditshenyehelo tse utlwahalang bakeng sa ho tsamaisa mosebetsi ya tswileng kotsi ho ya sepetlele, ngakeng kapa bodulong ba hae, di tla busetswa ho tswa Letloleng la Puseletso.
